السبت 28 نوفمبر
10:32 ص

رئيس التحرير : صلاح العلاج

ملك شركة دي أن أيه الكويتية للتجارة العامة

المصدر دروازة نيوز

محمد خلف الشمري يكتب | وين حمرة الخجل؟!

الخميس 07 مايو

ما يغثك الا اللي يطالب اليوم بعد شهر ونص من الحظر الجزئي .. لا ويطالب من وراء مكتبة بأعلى صوته  كله فخر وقهر بتطبيق الحظر الكلي ! .. ماتقول لي يا خفيف الظل والطله يا زعيم زمانك اشلون تبيهم يطبقون الحظر الكلي ؟ .. انت ناسي انهم ارهقوا واستنزفوا جميع طواقم العمل اللي مشاركة بالحظر الجزئي من موظفي الصحة ( دكاترة وممرضين ) وأفراد الشرطة والحرس الوطني  ومتطوعين ابطال يحبون بلدهم بلا مقابل .. مرة بفتح الطيارات لدخول المسافرين من الأجانب والمرة الثانية بتسفير مخالفين الإقامة وثالث مرة بإجلاء المواطنين من كل مكان .. وكل هذا سبب ضغط كبير لكل العاملين بالحظر  لدرجة ان الطواقم الطبية بدأت تصاب بالكورونا والعساكر بالزهق والملل من وقفت الشموس!.. ما كان من الأول ياصاحب القرار يابو المفهومية جان مطبق الحظر الكلي ومخلصنا من هالدندرة ؟.. أو على الأقل موقف خدمات التوصيل بأنواعها وخصوصا المطاعم ؟ ! .. والله الواحد ماهو عارف بضحك أو يطق إصبع لتخبطاتكم ! .. امنا بالله طبقتوا الحظر الكلي خلال يومين هل عندكم علم باللي راح يصير من  يادة الهلع بين الناس ؟! .. لانهم راح يتزاحمون ويتسابقون بماراثون طويل للجمعيات والأسواق وهذا  راح يكون اسهل طريق لانتشار الفيروس بالعربي راح تزيدون الطين بله ؟! ..  وفي الختام أقول اتقوا الله بالناس لانهم قاموا يتخطفون  ذبان وجيهم من حبسة الشهر  ونص اللي طلعت على فشوش من تخبطات ناس اسند لهم الامر  وهم مايدرون وين الله قاطهم وسلامتكم .

شارك مع أصدقائك

التعليقات

التعليقات ادناه يتحمل مسؤوليتها كاتبها ولا تمثل بالضرورة رأي دروازة نيوز ولا نملك الرقابة المسبقة عليها