السبت 06 يونيو
7:36 ص

رئيس التحرير : صلاح العلاج

ملك شركة دي أن أيه الكويتية للتجارة العامة

المصدر دروازة نيوز

محمد خلف الشمري يكتب| تبا لكم !

الأحد 22 مارس

شعب وإنتو شعب .. واللى هز القلب منا .. عمره ماهز لكو قلب .. رغم إن الرب واحد .. لينا رب... وليكو رب .. يابن اللعيبه ياسعادة الخبير والله اشك انك تقراء افكار اللي جدامك كمل كمل شعرك الأشقر الجميل قالها الرجل ! .
الخبير : دي أغنية للمطرب علي الحجار وكمان يقول فيها إحنا نفديها بحياتنا ونحبها ونرضى بقليلها .. وإنتو عايزين تنهبوها وتسرقوا خيرها ونيلها .
الشاب : وين ربعنا اللي بالابراج العالية عن هالكلام الحلو والله خوش كلام ليتهم يتعلمون حب البلد منها ؟ .
الشايب : من فضلك وضح لي الصورة أنت وش  تقصد ؟ .
الرجل : اكو غيره بيان اتحاد المصارف الكويتية اللي اثار غضب الشارع الكويتي بعز أزمة الكورونا اللي استهلكت جيوبهم من طلبات الحماية والوقاية من معقمات وماسكات وغلافسات ! .. مع العلم ان اغلب الناس( محتاج سيوله ) معاشاتها على قدها يدوب هي ملحقه عليهم بالرخاء وهالحين حنا بعز أزمة !.
الشايب : يقولون ماوراء مصبح شي يربح وش هم قايلين ببيانهم الله يطلع سرهم على المكشوف ؟ .
المعاق : البيان ( ماقس أي باهت ) مثل وجه اللي طلعه اللي يقول ان الوضع العام وهالسنه مازال مستقرا ولا حاجة لتأجيل اقساط القروض ( حلال للتجار وحرام للحبربش ) حاليا لان التأجيل سيكون له انعكاسات سلبية على البنوك الكويتية ( شي يحز بالنفس ) .. مع العلم ياحضرات بعض بنوكنا سالفة الذكر  أجلت اقساط عملائها ( الوضع مقلوب ) ببعض الدول العربية ! .
الشايب : قالوها الأولين عنز الفريج ما تحب الا التيس الغريب ! .. وبلغة عيال هالوقت المثقفين اللي اختشوا شفط عليهم الزمن ! .. يا عيالي الله ارحم  من عبيده وابشركم صوتكم وصل للعالم اجمع وراح يسجله التاريخ بقلم رصاص بان في الأزمات تبين معادن الأوفياء والمخلصين ! .. زبدة اولكر الكلام الإخلاص غالي أبو الموقه لا تتوقعه  لان هم شعب واحنا شعب وتبا لكم ! .
المتمولس : اللهم اضرب فيروس كورونا بالجشعين واعوانهم واخرجنا من بينهم سالمين !... وفي هذه الأثناء رفع على مسامعنا الشيخ زغلول اذان الظهر .

شارك مع أصدقائك

التعليقات

التعليقات ادناه يتحمل مسؤوليتها كاتبها ولا تمثل بالضرورة رأي دروازة نيوز ولا نملك الرقابة المسبقة عليها